कोरोनाभाइरसले युरोपका दुई देशलाई निकै ठूलो प्रभाव पारेको छ । पछिल्ला २४ घन्टाका मृतक संख्या जोड्द अब यी दुवै देशमा ३० हजारभन्दा बढीको निधन कोभिड १९ का कारण भएको छ । 

बेलायतमा पछिल्लो २४ घन्टामा ६ सय २६ जनाको निधन कोभिड १९ का कारण भएको हो । योसँगै बेलायतमा अब निधन हुनेको संख्या ३१ हजार २ सय ४१ पुगेको छ ।

त्यस्तै, इटालीमा अब ३० हजारभन्दा बढी मानिसको मृत्यु कोभिड १९ का कारण भएको छ । यो युरोपेली युनियनका देशमध्ये सबैभन्दा धेरै मृतक संख्या हो । इटालीमा पछिल्लाे तथ्यांकअनुसार ३० हजार २ सय १ जनाकाे निधन भएकाे हाे । 

काेभिड १९ का कारण ३० हजारभन्दा बढीकाे निधन हुने तस्राे देश अब इटाली बनेकाे छ । यसअघि बेलायत र अमेरिकामा ३० हजारभन्दा बढीकाे निधन भइसकेकाे छ ।