रोजगारीका लागि भारत गएको अछामको एक परिवारका ३ जनालाई कोरोनाभाइरस संक्रमण भएको छ । उनीहरुलाई भारतको पुनामा कोरोनाभाइरस संक्रमण भएको हो । 

श्रीमान, श्रीमती र ८ महिने छोरालाई कोरोनाभाइरस संक्रमण भएको नेपालमा रहेका उनका आफन्तले जनाएका छन् । 

यसअघि भारतमा नेपालका एकै परिवारका आठ जनालाई पनि कोरोनाभाइरस संक्रमण भइसकेको थियो । उनीहरु सबै ठिक भइसकेका छन् । 

भारतमा रहेको नेपाली दूतावासका अनुसार अब भारतमा कोरोनाभाइरस संक्रमित नेपालीको संख्या ३१ पुगेको छ । यीमध्ये एक जनाले ज्यान गुमाएका छन् ।