जर्मनीको एक मिडियामा समाचार छापिएपछि विश्व स्वास्थ्य संगठन (डब्लूएचओ) फेरि विवादमा तानिएको छ । जर्मनीको समाचार आउटलेटले चीनले डब्लूएचओलाई कोरोनाभाइरस महामारीबारे समाचार छाप्न ढिलाई गर्न अनुरोध गरेको थियो ।

अब डब्लूएचओले यसको खण्डन गरेको छ । 

जर्मनीमा २१ जनवरीमा चिनियाँ राष्ट्रपतिसँग भएको डब्लूएचओका प्रमुख डाक्टर ट्रेडोसको टेलिफोन वार्ता भन्दै उनीहरुबीच कोरोनाभाइरस महामारीबारे समयमा नै सूचना नदिने सल्लाह भएको दाबीले निकै चर्चा पाएको छ ।

‘जर्मनीको जासुसी संस्थालाई जानकारी भएअनुसार यी दुईबीच कोरोनाभाइरसबारे समयमा सूचना नदिने सल्लाह भएको थियो,’ जर्मनीको वेबसाइटमा छापिएको छ । तर, डब्लूएचओले यसलाई खण्डन गरेको छ । 

डब्लूएचओले चाहिँ त्यो दिन सी जिनपिङसँग ट्रेडोसको फोना वार्ता नै नभएको जनाएको छ ।