जर्मनीमा फेरि कोरोनाभाइरस संक्रमित बढ्न थालेका छन् । त्यहाँ सरकारले केही दिनअघि मात्र लकडाउन अलिक खुकुलो बनाएको थियो । सरकारी तथ्यांकका अनुसार अर्ब जर्मनीमा झन् धेरै मानिसहरु संक्रमित भेटिन थालेका छन् ।

सरकारले लकडाउन खुकुलो बनाए पनि जर्मनीमा हजारौँ जर्मनहरु शनिबार लकडाउनको विरोध गर्दै प्रदर्शनमा निस्किएका थिए । 

बुधबार जर्मन चान्सलर एन्जेला मर्केलले १६ प्रदेशमा लकडाउन खुकुलो बनाएको घोषणा गरेकी थिइन् ।

कोरोनाभाइरसका सबैभन्दा धेरै संक्रमित भएको सातौं देश जर्मनी हो । जर्मनीमा अहिलेसम्म कम्तिमा पनि १ लाख ६९ हजार २ सय १८ जनामा कोरोनाभाइरस संक्रमण देखिएको छ । अनि कोभिड १९ का कारण ७ हजार ३ हजार ९५ जनाले ज्यान गुमाएका छन् ।