अमेरिकी विश्वविद्यालय जोन्स हप्किङ्सका अनुसार अब विश्वभर कोरोनाभाइरस संक्रमितको संख्या ४० लाखभन्दा बढी भएको छ । 

कोरोनाभाइरसका कारण २ लाख ७७ हजारभन्दा धेरैले विश्वभर ज्यान गुमाएका छन् । 

यसमा एक तिहाई संक्रमित अमेरिकामा छन् । अनि मृत्यु हुनेको २५ प्रतिशत पनि अमेरिकी हुन् । 

जानकारहरुले अब यो भाइरसका कारण अझ धेरै जनाको मृत्यु हुन सक्ने र यसले अझ भयावह रुप लिनसक्ने बताएका छन् । 

पछिल्ला दिन कोरोनाभाइरस संक्रमितको संख्या निकै रफ्तारमा बढेको छ । २८ अप्रिलसम्म विश्वभर ३० लाख मानिस संक्रमित थिए । यी १० दिनमा नै १० लाख कोरोनाभाइरस संक्रमित थपिएका हुन् ।