स्वास्थ्य मन्त्रालयले सोमबार दिउँसो सप्तरीका एक युवाको परीक्षणमा कोरोनाभाइरस संक्रमण भएको पुष्टि गरेको छ ।
स्वास्थ्य मन्त्रालयका अनुसार सप्तरीको डाक्नेश्वरी नगरपालिकाको ३ नम्बर वडामा बस्ने एक १८ वर्षीयमा कोरोनाभाइरस संक्रमण देखिएको हो ।
सप्तरीमा कोरोनाभाइरस संक्रमित भेटिएको यो पहिलो पटक हो ।
योसँगै सोमबार मात्र अहिलेसम्म नेपालमा ११ जना कोरोनाभाइरस संक्रमित भेटिएको छ । आज विहान कपिलवस्तुमा भारतबाट आएका १० जनामा कोरोनाभाइरस संक्रमण देखिएको थियो ।
अब नेपालमा १ सय २१ जना कोरोनाभाइरस संक्रमित पुगेका छन् । नेपालमा यसअघि नै ३३ जनाले कोरोनाभाइरसलाई जितिसकेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।