पर्सामा एक युवाले प्रेमिका गर्भवती बनाएर फरार भएको उजुरी परेको छ । यो घटना हो, पटेर्वासुगौली गाउँपालिका २ को । 

त्यहाँ एक युवा आफ्नी युवती गर्भवती भएको थाहा पाएपछि फरार भएका हुन् । अब युवतीले उनीविरुद्ध प्रहरीमा उजुरी दिएका छन् । १९ वर्षका विशालबाबु चौधरीविरुद्ध प्रहरी कार्यालयको महिला सेलमा उजुरी दिएकी हुन् ।

उजुरीमा उनले आफूहरु झन्डै दुई वर्षदेखि प्रेममा रहेको उल्लेख गरेकी छिन् । उनले आफहरुले विवाह पनि गरेको तर युवकका परिवारका सदस्यले आफ्नो सम्बन्ध अस्वीकार गरेको बताएकी छिन् । यही कारण त्यो परिवारका सदस्यले नै युवालाई भगाएको हुनसक्ने ती युवतीको आशंका छ ।

प्रहरीले चौधरीको खोजी सुरु गरेको छ ।