कोरोनाभाइरस संक्रमण आफ्नो प्रदेशमा नफैलिओस् भन्नका लागि कर्णाली प्रदेशले अनिश्चितकालीन नाकाबन्दी गर्ने भएको छ । यसअघि पनि कर्णाली प्रदेशमा नाकाबन्दी गरिएको थियो । प्रदेशको विपद् व्यवस्थापन समितिको बैठकले यस्तो निर्णय गरेको हो । अहिलेसम्म कर्णाली प्रदेशमा एक जना पनि कोरोनाभाइरस संक्रमित भेटिएका छैनन् ।

पछिल्लो समय बाँकेमा कोरोनाभाइरस संक्रमित बढेपछि अनिश्चितकालका लागि नाकाबन्दी गर्ने प्रदेशले निर्णय गरेको हो ।

नाकाबन्दी भए पनि दैनिक उपभोग्य सामान तथा उद्योगका सामानहरु बोकेका गाडीलाई कडा निगरानीमा लिएर प्रदेशमा छिर्न दिइने बताइएको छ ।