काठमाडौं–  फुटबल खेलाडी रञ्जित श्रेष्ठलाई कोरोना भाइरस पेजेटिभ देखिएको छ । पूर्वराष्ट्रिय खेलाडी श्रेष्ठले आफूलाई कोराना पेजेटिभ देखिएको फेसबुकमार्फत जानकारी गराएका छन् ।  

हाल उनी दुबईमा छन् । वैदेशिक रोजगारीको सिलसिलामा त्यहाँ रहेका उनले आफूलाई कोरोना पोजेटिभ देखिएको पाँच दिन भएको बताएका छन् । 

तर, अहिले उनको अवस्था सामान्य छ । कहिले–कहीँ खोकी लागे पनि अवस्था सामान्य रहेको उनले बताएका छन् ।

उनले आफ्नो दोस्रो रिपोर्ट आउँन बाँकी रहेकाले त्यसबारे पुनः जानकारी दिने बताएका छन् । 

सेल्फ आइसोलेसनमा रहेका उनले आफ्ना फेसबुकमा भएका साथी र परिवारलाई नडराउन आग्रह गरेका छन् ।