मंगलबार एकै दिन कोरोनाभाइरस संक्रमित ८३ जना भेटिएका छन् । मंगलबार दिउँसो ५७ जना कोरोनाभाइरस संक्रमित भेटिएको नेपालमा साँझ फेरि २६ जना थपिएका छन् । योसँगै नेपालमा कोरोनाभाइरस संक्रमितको संख्या २ सय १७ पुगेको छ ।

काठमाडौंको प्रयोगशालामा गरिएको परीक्षणमा २६ जनामा कोरोनाभाइरस संक्रमण देखिएको हो । यीमध्ये पर्सा जिल्लाका २२ देखि ६० वर्ष सम्मका ६ महिला छन् ।

महोत्तरीमा अब २ जना १६ र ३५ वर्षका पुरुष, धनुषा जिल्लामा २० वर्षीय महिला र ४० वर्षीय पुरुष, भक्तपुरमा २५ वर्षीया महलिा र २७ वर्षीया पुरुष, काठमाडौंमा ३३ वर्षीया महिला, सर्लाहीमा ४५ वर्षीय पुरुष छन् । 

त्यस्तै पर्सामा १२ जना १६ वर्षदेखि ६१ वर्षका पुरुषमा पनि कोरोनाभाइरस संक्रमण देखिएको छ । 

नेपालमा अहिलेसम्म कोरोनाभाइरस संक्रमित सबैभन्दा बढी भेटिएको नै आज हो ।