भक्तपुरका कोरोनाभाइरस संक्रमित सशस्त्र प्रहरी पूर्वगृहमन्त्री तथा नेकपा नेता भीम रावलका अंगरक्षक भएको खुलासा भएसँगै नेकपाको स्थायी कमिटी बैठक स्थगित भएको छ । नेकपा स्थायी कमिटी बैठक आजका लागि बोलाइएको थियो ।
भीम रावलको सुरक्षामा खटिएका प्रहरीमा कोरोनाभाइरस संक्रमण देखिएपछि रावललाई पनि कोरोनाभाइरस भएको हो कि भन्ने आशंका उत्पन्न भएका छन् ।
तर, केही दिनअघि संसद बैठक सुरु हुनुभन्दा अगाडि गरिएको स्वाब परीक्षणमा रावलको रिपोर्ट नेगेटिभ आएको थियो । ‘ती सुरक्षाकर्मी केही दिनअघि नै बिदा मागेर गएका थिए,’ रावलले भने, ‘अनि मेरो रिपोर्ट नेगेटिभ आएको छ, यसमा डर मान्नु पर्ने कुरा केही छैन ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।