कोरोनाभाइरसका कारण ब्राजिलमा पछिल्लो २४ घन्टामा ७ सय ४९ जनाको निधन भएको छ । यसका साथसाथै अब ब्राजिलमा कोरोनाका कारण मृत्यु हुनेको संख्या १३ हजार नाघेको छ ।

१३ हजार १ सय ४९ मृत्युका साथ अब ब्राजिल विश्वको सबैभन्दा प्रभावित देशको सूचीमा छैटौं स्थानमा छ । योभन्दा पहिले ब्राजिलमा एकै दिन मंगलबार ८ सय ८१ जनाको निधन भएको थियो । 

बुधबार ब्राजिलमा ११ हजार ३ सय ८५ जनामा कोरोनाभाइरस संक्रमण देखिएको थियो । ब्राजिलमा कोरोना संक्रमित अब १ लाख ९० हजारको आसपास पुगेका छन् ।