काठमाडौं– काठमाडौंमा ६ वर्षीया बालिकामा कोरोना संक्रमण देखिएको छ । महाराजगञ्जस्थित त्रिवि शिक्षण अस्पतालमा उपचाररत बालिकामा कोरोना पुष्टि भएको हो ।
६ दिन अगाडि उनी कपिलवस्तुबाट उपचारका लागि काठमाडौं ल्याइएकी बालिकामा कोरोना संक्रमण भएको त्रिवि शिक्षण अस्पतालले जनाएको छ । अस्पतालका कोभिड–१९ व्यवस्थापन समितिका संयोजक डा. सन्त कुमार दासले यसको पुष्टि गरेका हुन् ।
अस्पतालको न्युरो वार्डमा उपचाररत बालिकामा कोरोना पुष्टि भएपछि शिक्षण अस्पतालको न्युरो वार्ड सिल गर्ने तयारी गरिएको छ ।
त्रिवि शिक्षण अस्पतालले यसबारे छलफल गर्न बैठक बस्न लागेको र बैठकपछि मात्रै वास्तविकता सार्वजनिक गर्ने जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
