अमेरिका–चीन व्यापारयुद्ध उत्कर्षमा पुग्ने संकेत, चीनसँगको सबै सम्बन्ध तोड्ने ट्रम्पको चेतावनी
फरकधार / २ जेठ, २०७७

काठमाडौं– केही वर्षयता चल्दै आएको अमेरिका–चीन व्यापारयुद्ध उत्कर्षमा पुग्ने संकेत देखिएको छ । अमेरिकी राष्ट्रपति डोनाल्ड ट्रम्पले चीनसँगको सबै सम्बन्ध तोड्ने चेतावनी दिएसँगै यस्तो आकलन गरिएको हो । 

कोरोना भाइरस (कोभिड–१९)को महामारीमा चीनले चालेको कदमको आलोचना गर्दै एक अन्तर्वार्तामा ट्रम्पले चीनसँगको सबै सम्बन्ध तोड्न सक्ने बताएको बिबिसीले जनाएको छ । चीनसँगको सबै सम्बन्ध तोड्दा अमेरिकालाई पाँच खर्ब डलर फाइदा हुने प्रक्षेपण गरेका छन् । 

चीनसँगको व्यापारमा अमेरिकालाई वार्षिक खर्बौं डलरको घाटा हुँदै आएको छ । सोही विषयलाई लक्षित गर्दै उनले पछिल्लो चेतावनी दिएका हुन् । 

चीनले कोरोना भाइरसको महामारीको सुरुवाती जानकारी लुकाएको अमेरिकाको आरोप छ । त्यसकारण चीनले कोरोना भाइरसको क्षतिपूर्ति दिनुपर्ने दाबी अमेरिकाले गर्दै आएको छ । 

चीनले भने अमेरिकाको सबै आरोप अस्वीकार गर्दै आएको छ । आगामी नोभेम्बरमा हुन गइरहेको राष्ट्रपतीय निर्वाचनको एक रणनीतिस्वरुप ट्रम्पले चीनविरोधी भनाइ राख्दै आएको अधिकांशको बुझाइ छ । 

  • प्रकाशित मिति : जेठ २, २०७७ शुक्रबार १०:५८:५,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक , ट्विटरमा, युट्युब पनि जोडिन सक्नुहुन्छ ।


यो सामग्री सेयर गर्नुहोस्


यो पनि नछुटाउनुहोस्
मल्टिमिडिया