सरकारले जमिन बाँझो राख्न नपाउने गरी विशेष व्यवस्था कार्यन्वयनमा ल्याउने भएको छ ।
कृषि उत्पादनलाई जोड दिनका लागि सबै तहमा रहेका खाली जमिन प्रयोगमा ल्याउने र कृषिमार्फत रोजगारी सिर्जनामा जोड दिइनेछ ।
सार्वजनिक जग्गामा फलफूल तथा कृषिका कार्य अगाडि बढाइने योजना ल्याइएको छ भने निजी जग्गाको समेत अधिकतम प्रयोग गरिनेछ ।
त्यस्तैगरी एउटा उत्पादनलाई ठूलो क्षेत्रमा लगाउने र त्यसकाे बजारको व्यवस्थासमेत गर्न सहज हुने बताइन् ।
सरकारले बिउबिजन र कृषि अनुसन्धानमा जोड दिनेसमेत भएको छ ।
कृषिलाई आयमूलक र मर्यादित पेसबको रूपमा समेत विकास गरिने राष्ट्रपतिले संसदमा सम्बोधन गर्ने क्रममा उल्लेख गरेकी छिन् ।
उनले वैदेशिक रोजगारीबाट फर्किएका तथा महिला समूहलाई समेत कृषिमा जोडिने बताइन् ।
सरकारले वास्तविक कृषकलाई ऋण तथा अनुदान र बिउविजनको व्यवस्था गर्नेछ ।
अर्गानिक कृषि उत्पादनलाई जोड दिँदै अन्तर्राष्ट्रिय बजारमा प्रवर्द्धन गरिने योजना सरकारले बनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।