उपचारका लागि धुलिखेल पुर्याइएकी एक महिलाको निधन भएपछि काभ्रेस्थित धुलिखेल अस्पतालमा उच्च सतर्कता अपनाइएको छ । ती महिलाको धुलिखेल अस्पतालमा गरिएको कोरोनाभाइरस परीक्षणमा आरडिटी र पिसिआर दुवै पोजेटिभ आएको थियो ।
१० दिनअघि महाराजगन्जस्थित शिक्षण अस्पतालमा सुत्केरी भएकी यी महिलालको रिपोर्ट कन्फर्मेसनका लागि स्वाब टेकुको प्रयोगशालमा पठाइएको छ ।
उता, उनको मृत्यु कोरोनाभाइरसकै कारण भएको हुनसक्ने भन्दै धुलिखेल अस्पतालमा उच्च सतर्कता अपनाइएको छ ।
बिहीबार राति उनको स्वासप्रस्वासमा समस्या आएपछि अस्पताल पुर्याइएको थियो । अस्पतालले महिलाको अस्पताल ल्याउनुअघि नै मृत्यु भएको जनाएको छ ।
स्रोतका अनुसार धुलिखेल अस्पतालमा उनको आरडिटी र पिसिआर दुवै परीक्षण पोजेटिभ आएको थियो । राष्ट्रिय जनस्वास्थ्य प्रयोगशालाको रिपोर्ट स्वास्थ्य मन्त्रालयले दिने बताइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।