शनिबार पछिल्लो समय नेपालमा भेटिएका कोरोनाभाइरस संक्रमित नेपाली सेना रहेको खुलेको छ । 

उनीहरु दुवै मध्यपूर्वी पृतना, महोत्तरीमा कार्यरत रहेको नेपाली सेनाले नै बताएको छ । 

कोरोनाभाइरस संक्रमण देखिएका दुवै जना महोत्तरीका ५२ वर्षीय पुरुष र काभ्रेका २६ वर्षका युवा हुन् ।

यसअघि पनि नेपालमा प्रहरी र सशस्त्र प्रहरीमा कोरोनाभाइरस संक्रमण देखिइसकेको छ । यी दुई संक्रमित थपिएसँगै नेपालमा कोरोनाभाइरस संक्रमितको संख्या २ सय ७८ पुगेको छ । यीमध्ये ३५ जना निको भइसकेका छन् ।