भारतले अतिक्रमण गरेर सडक बनाएको कालापानी नजिक नेपालको सशस्त्र प्रहरीले गस्ती सुरु गरेको छ । पछिल्लो समय लिपुलेकमा नेपालको भूमिमा भारतले एक तर्फी रुपमा मानसरोवर जोड्ने सडक बनाएको थियो । यो सडकको भारतीय रक्षामन्त्री राजनाथ सिंहले उद्घाटन गरेका थिए । उनले यो उद्घाटन गरेलगत्तै जनस्तरबाट यसको व्यापक विरोध सुरु भएको थियो । 

लगत्तै नेपाल सरकारले त्यहाँको छाङ्रुमा सशस्त्र प्रहरीको बिओपी स्थापना गर्ने निर्णय गरेको थियो । 

अहिले त्यहाँ कम्तिमा पनि ३५ सशस्त्र प्रहरीले अब सीमा सुरक्षाको निगरानी गर्न थालेका छन् । गत मंसिरमै वीओपी स्थापनाका लागि छाङ्गरुमा जग्गा उपलब्ध भएको थियो । सेनाको हेलिकप्टरमार्फत आवश्यक सामान र शसस्त्र प्रहरीको टोली वीओपी स्थापनाका लागि त्यहाँ पुर्याइएको थियो ।

शसस्त्र प्रहरी वलले कालापानी क्षेत्रको सीमामा गस्ती लगायतको आफ्नो ड्युटी शुरु गरिसकेको छ ।