नेपालमा कोरोनाभाइरस (कोभिड १९) संक्रमितको संख्या अब २ सय ९१ पुगेको छ । आइतबार विहान स्वास्थ्य मन्त्रालयले जारी गरेको विज्ञप्तिअनुसार रौतहटमा मात्रै १० जना कोरोनाभाइरस संक्रमित थपिएका हुन् ।

स्वास्थ्य मन्त्रालयका सहप्रवक्ता डा. समिरकुमार अधिकारीले राजपुर नगरपालिका फरहदा ९ निवासी १८, ३२, ३६, ३९, ३९, ४२, ४८ वर्षका पुरुषमा कोरोनाभाइरस संक्रमण भएको पुष्टि भएको जानकारी दिएका छन् ।

अन्य तीन जना इशनाथ नगरपालिका वडा नम्बर ३ र ५ का २८, ३० र ३३ वर्षीय पुरुष हुन् । 

योसँगै नेपालमा कूल संक्रमितको संख्या २९१ पुगेको हो । उनीहरु सबैको स्वास्थ्य अवस्था सामान्य रहेको मन्त्रालयले जनाएको छ । 

नेपालमा अहिलेसम्म ३५ जनाले कोभिड १९ लाई जितेका छन् । कोभिड १९ का कारण नेपालमा एक महिलाले ज्यान गुमाएकी छिन् ।