नेपालमा कोरोनाभाइरसबाट पहिलो मृत्यु भएकी सिन्धुपाल्चोककी महिलाको परिवारका सदस्य सबैको कोरोनाभाइरस संक्रमण रिपोर्ट नेगेटिभ आएको छ ।

उनको मृत्यु भएपछि स्वास्थ्य मन्त्रालयले उनका १२ दिने शिशु र श्रीमानसहित परिवारका सबैको स्वाब संकलन गरेको थियो । 

सबैको रिपोर्ट नेगेटिभ आएपछि उनीहरुलाई अब सिन्धुपाल्चोक घर पठाउने भइएको छ । यसअघि उनीहरुलाई धुलिखेल अस्पतालमा नै राखिएको थियो । बाह्रबिसे घर लगिए पनि उनीहरु सबैलाई १४ दिने क्वारेन्टाइनमा राखिने छ । 

त्यसपछि फेरि पिसिआर परीक्षण गरिने जनाइएको छ ।

सिन्धुपाल्चोककी यी सुत्केरी महिलाको धुलिखेल अस्पतालमा बिहीबार राति निधन भएको थियो । 

नेपालमा अब कोरोनाका कारण्डा मृत्यु हुनेको संख्या २ पुगिसकेको छ ।