दाङमा थप एक जना पुरुषमा कोरोनाभाइरस संक्रमण देखिएको छ । 

योसँगै नेपालमा कोरोनाभाइरस संक्रमितको संख्या ४५४ पुगेको छ । बिहीबार राप्ती स्वास्थ्य विज्ञान प्रतिष्ठानमा गरिएको पिसिआर परीक्षणमा घोराही उपमहाननगरपालिकाका ३७ वर्षका पुरुषमा कोरोनाभाइरस पुष्टि भएको हो ।

यसअघि दाङमा दुई जनामा कोरोनाभाइरस पुष्टि भएको थियो । दाङकै तर काठमाडौंमा रहेका अन्य दुई जनामा पनि कोरोना संक्रमण पुष्टि भइसकेको छ ।