बुटवल- कपिलवस्तुमा दुईजना पत्रकारमा कोरोना संक्रमण देखिएको छ । शुक्रबार संक्रमण पुष्टि भएका ९ जनामध्ये दुईजन पत्रकार रहेको खुलेको हो ।

कपिलवस्तु नगरपालिका वडा नं. ३ तौलिहवाका २९ वर्षका र वाणगंगा नगरपालिका वडा नं. ८ का २४ वर्षका पुरुष पत्रकारमा कोरोना पुष्टि भएको हो । 

दुवै पत्रकारको स्वास्थ्य अवस्था सामान्य रहेको र स्वास्थ्यकर्मीहरु उनीहरुको सम्पर्कमा पुगिसकेको बताइएको छ ।

यो संगै कपिलवस्तुमा कोरोना संक्रमितको संख्या ६९ जना पुगेको छ ।