नेपालमा थप ३६ जनामा काेराेनाभाइरस संक्रमण पुष्टि भएकाे छ ।

स्वास्थ्य मन्त्रालयले जनाएअनुसार शनिबार दिउँसाेसम्म थप ३६ जनामा संक्रमण देखिएकाे हाे । यसअघि शनिबार विहान नै ३१ जनामा काेराेनाभाइरस संक्रमण देखिएको थियोे ।

स्वास्थ्य मन्त्रालयका प्रवक्ता डा. विकास देवकाेटाका अनुसार अब नेपालमा कूल संक्रमित ५८४ पुगेका छन् ।

सेती अस्पतालमा चार जना, कोशी अस्पतालमा झापाका ३३ वर्षका पुरूष, राप्ती स्वास्थ्य विज्ञान प्रतिष्ठानमा बाँकेका ६ जना, नरैनापुरका १५ जना, नरैनापुर १ मा ६ जना, बर्दियामा एक १९ वर्षीय पुरूष र सुर्खेतमा दुई पुरूष र एक महिला गरी तीन जनामा कोरोना भाइरस संक्रमण देखिएको हो।

उनीहरू सबैको पिसिआर विधिबाट परीक्षण गरिएको मन्त्रालयले जनाएको छ।