कतारमा कोरोनाभाइरस संक्रमण आप्रवासी मजदुरहरूमा नेपालीहरु दोस्रो नम्बरमा आएका छन् । त्यहाँ ६ हजारभन्दा धेरै नेपाली कामदारलाई कोरोनाभाइरस संक्रमण पुष्टि भएको छ । 

कतारको स्वास्थ्य मन्त्रालयका अनुसार कतारमा ६ हजार ९ सय ११ नेपालीलाई कोरोनाभाइरस संक्रमण भएको छ । एक नेपालीले कोभिड १९ का कारण ज्यान गुमाएका छन् ।

कतारमा अहिलेसम्म सबैभन्दा धेरै भारतीय मूलका कामदारहरु संक्रमित भएका छन् ।

भारतीय कामदार ११ हजार १८ जनामा कोरोनाभाइरस संक्रमण देखिएको छ । त्यस्तै, बंगलादेशी ५ हजार ५ सय ८९ जनामा, पाकिस्तानी २ हजार ३ सय १० मा, फिलिपिनो एक हजार ५ सय ३६ जनामा कोभिड १९ संक्रमण भएको छ । कतारकै चाहिँ १५ सय ३६ जनामा कोरोनाभाइरस संक्रमण देखिएको छ । योसँगै कतारमा अब ३६ हजारमा कोरोनाभाइरस संक्रमण देखिएको छ ।

कतार सरकारले नेपाली र कतारी नागरिकबीच उपचारमा चाहिँ कुनै विभेद गरेको छैन ।

कतारमा अहिलेसम्म १९ जनाले कोभिड १९ का कारण ज्यान गुमाइसकेका छन् ।