यो यस्तो क्षति हो जसको कुनै हिसाब नै हुनसक्दैन, जसको कुनै गणना नै हुनसक्दैन । इनक्यालकुलेबल लस ।

अमेरिकी अखबार द न्यूयोर्क टाइम्सले २४ मेको आफ्नो पहिलो पानामा यही शीर्षक छापेको छ ।

अमेरिकामा कोरानाभाइरसका कारण मृत्यु हुनेको संख्या एक लाख पुग्नै लागेको छ । 

मृतकलाई श्रद्धाञ्जली दिँदै र उनीहरुको निधनमा शोक व्यक्त गर्दै पत्रिकाले आफ्नो पहिलो पानामा पूरै उनीहरुको नाम प्रकाशन गरेको छ ।

अनि न्युयोर्क टाइम्सले लेखेको पनि छ– यो सिर्फ एउटा सूचीको नाम होइन, उनीहरु कुनै समय हामीसँगै थिए ।

न्युयोर्क टाइम्सले आफ्नो ट्विटर ह्यान्डलमा पनि यो फ्रन्ट पेज पोस्ट गरेको छ । सामाजिक सञ्जालमा यसको निकै प्रशंसा गरिएको छ ।

यसअघि ब्राजिलको पत्रिका ओ ग्लोबोले १० मेमा लेखेको थियो– १० मे, १० हजार पीडित, १० हजार रोकिएका कथा !