पछिल्लो समय प्रदेश ५ मा सबैभन्दा धेरै कोरोनाभाइरस संक्रमित भेटिएका छन् । अब प्रदेश ५ को अर्घाखाँचीमा पनि पहिलो पटक कोरोनाभाइरस संक्रमित भेटिएका छन् ।

यसअघि प्रदेश ५ को तराईका जिल्लामा र पहाडी जिल्ला गुल्मीमा मात्र कोरोनाभाइरस संक्रमित भेटिएका थिए । 

सोमबार प्रदेशको अर्घाखाँचीमा पनि कोरोनाभाइरस संक्रमित भएको पुष्टि भएको हो । जिल्ला नाकाहरु पूर्णरुपमा बन्द गरिएको अर्घाखाँचीमा भारतबाट आएका दुई पुरुषमा कोरोनाभाइरस संक्रमण पुष्टि भएको हो ।

पाणिनी गाउँपालिका वडा नं। ८ का दुईजना भारतबाट अर्घाखाँचीमा आएका थिए । उनीहरु १९ र ४३ वर्षका छन् ।