गत वर्ष डिसेम्बरको अन्त्यमा चीनको वुहानमा पहिलो पटक मानिसमा देखिएको कोरोनाभाइरस अहिले विश्वका लागि ठूलो चुनौति बनिसकेको छ । विश्वभरका देश यो महामारीका कारण नराम्रोसँग प्रभावित भएका छन् । 

यो भाइरसबाट सबैभन्दा बढी प्रभावित अमेरिका बनेको छ । अमेरिकामा अहिलेसम्म सबैभन्दा धेरै कोरोनाभाइरस संक्रमित भेटिएका छन् भने अमेरिकामा नै अहिलेसम्म विश्वमा सबैभन्दा धेरै मानिसले यो महामारीका कारण ज्यान गुमाएका छन् ।

पछिल्लो जोन्स हप्किङ्स विश्वविद्यालयको रिपोर्टअनुसार अमेरिकामा अब यो भाइरसका कारण ज्यान गुमाउनेको संख्या एक लाख पुगेको छ । अमेरिकामा १७ लाख मानिस यो भाइरसका कारण संक्रमित भएका छन् ।