Tue, 14 Jul, 2020


कोरोनाको नयाँ केन्द्र ल्याटिन अमेरिकाको हाल के छ ?
फरकधार / जेठ १४, २०७७

दक्षिण अमेरिका कोरोनाभाइरस महामारीको नयाँ केन्द्र मानिएको छ । त्यहाँको ब्राजिलमा मात्र होइन, कोरोनाभाइरस संक्रमण अन्य देशमा पनि निकै द्रुत गतिमा फैलिइरहेको छ ।



योसँगै अमेरिकाले ब्राजिलबाट आउनेहरुका लागि प्रतिबन्ध नै लगाएको छ। कतिसम्म भने अमेरिकाले विगतका १४ दिनमा ब्राजिलको सीमा हुँदै आएका मानिसहरुलाई आफूले रेखदेख नगर्ने समेत बताएको छ ।

ब्राजिल विश्वमा कोरोनाबाट प्रभावित देशमा दोस्रो नम्बरमा पुगेको छ । त्यहाँ अहिलेसम्म अमेरिकापछि संक्रमित मानिसको संख्या सबैभन्दा बढी भएको छ ।

ब्राजिलमा अहिलेसम्म ३ लाख ९० हजार मानिस कोरोनाभाइरसबाट संक्रमित भएका छन् । विगत २४ घन्टामा ब्राजिलमा एक हजारभन्दा बढीको निधन भएको बताइएको छ ।

ल्याटिन अमेरिकी देशमा इक्वेडल ब्राजिलभन्दा पनि बढी प्रभावित भएको छ । इक्वेडरमा त प्रत्येक दस लाख मानिसमा कोभिड १९ का कारण १ सय ८२ जनाको निधन भएको छ । 

ब्राजिलमा ११६, पेरुमा ११५, चिलीमा ४२, बोलिभियामा २२ तथा कोलम्बियामा यो संख्या १५ रहेको छ ।


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्