प्रिमियर लिग फुटबलर तथा कोच गरेर थप चार जनालाई कोरोनाभाइरस संक्रमण भएको छ । यो मंगलबार र बुधबार गरिएको परीक्षण पछि आएको रिपोर्ट हो । 

उनीहरु कसैको पनि नाम सार्वजनिक गरिएको छैन । तर, तीन वटा क्लबका खेलाडी तथा कोचलाई कोरोना संक्रमण भएको बताइएको छ ।

अब उनीहरु सात दिनका लागि आइसोलेसनमा जाने भएका छन् । 

यसअघि प्रिमियर लिगका अन्य आठ जनालाई पनि कोरोना संक्रमण भएको थियो । प्रिमियर लिग जुनदेखि सुरु हुने बताइएको छ । तर, यसको मिति अहिलेसम्म सार्वजनिक गरिएको छैन ।