गण्डकी प्रदेशका स्याङ्जा र नवलपुरमा कोरोनाभाइरस संक्रमित भेटिएका छन् । 

बिहीबार विहान आएको परीक्षणको नतिजाअनुसार यी दुई ठाउँमा तीन जना कोरोनाभाइरस संक्रमित भेटिएका हुन् । 

स्याङ्जाको वालिङमा रहेका २२ र २६ वर्षका दुई युवालाई कोरोना संक्रमण देखिएको छ । अब उनीहरुलाई सदरमुकामको आइसोलेसन लैजान लागिएको छ । 

त्यस्तै, नवलपुर देवचुली नगरपालिकामा क्वारेन्टाइनमा रहेका एक युवालाई पनि कोरोनाभाइरस संक्रमण देखिएको छ । 

योसँगै अब गण्डकी प्रदेशमा मात्र कोरोना संक्रमितको संख्या १६ पुगेको छ ।