नेपालमा अब कोरोनाभाइरस संक्रमणबाट मृत्यु हुनेको संख्या अब ७ पुगेको छ ।
दैलेखको दुल्लु नगरपालिकामा रहेको क्वारेन्टाइनमा मृत्यु भएका एक युवकको कोरोनाभाइरस रिपोर्ट आएसँगै यो संख्या बढेको हो ।
यी युवकको कोरोना रिपोर्ट शनिबार अबेर पोजिटिभ भएको पुष्टि भएको हो ।
उनी दुल्लु नगरपालिकाका ३५ वर्षका युवा हुन् । उनी त्यही नगरपालिकाको वडा नम्बर ७ मा बनाइएको क्वारेन्टाइनमा बसेका थिए ।
शनिबार विहान उनको मृत्यु भएको थियो ।
उनी भारतबाट १० दिनअघि फर्किएका हुन् । उनको मृत्युबारे स्वास्थ्य मन्त्रालयले अहिलेसम्म औपचारिक जानकारी दिएको छैन ।
यसअघि पनि बाँकेमा एक युवाको क्वारेन्टाइनमा निधन भएको थियो । उनको पनि निधनपछि कोरोना पोजेटिभ भएको खुलेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।