डडेल्धुरा जिल्ला सदरमुकाममा रहेको एक क्वारेन्टाइनमा राखिएका बालकको मृत्यु भएको छ ।
डडेल्धुरा बहुमुखी क्याम्पसको क्वारेन्टाइनमा राखिएका ६ वर्षीय बालकको मृत्यु भएको हो ।
गत राति १२ बजेतिर उनको मृत्यु भएको डडेल्धुरा प्रहरीले जनाएको छ । उनी शनिबार राति नै भारतको मुम्बईबाट डडेल्धुरा आइपुगेका थिए । त्यसपछि उनलाई जिल्लाको क्वारेन्टाइनमा राखिएको थियो ।
उनको स्वास्थ्य अवस्था बिग्रिएपछि अस्पताल पुर्याइएको थियो । तर, बाटोमा नै उनको मृत्यु भएको हो । आइतबार विहान ३ बजे ती बालकलाई अस्पताल पुर्याइएको थियो ।
उनले भारतमा रहँदा नै मलेरियाको उपचार गराइरहेको उनको परिवारले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।