पछिल्लो समय ब्राजिल कोरोना महामारीका कारण निकै प्रभावित भइरहेको छ । अब ब्राजिलमा कोरोनाभाइरसका कारण मृत्यु हुनेको संख्या २८ हजार ८ सय ३४ पुगेको छ ।

यसका साथसाथै ब्राजिल कोरोनाका कारण सबैभन्दा प्रभावित विश्वको चौथों देश बनेको छ । योसँगै ब्राजिलमा फ्रान्समा भन्दा धेरैको मृत्यु भएको छ । फ्रान्समा अहिलेसम्म कोरोनाका कारण २८ हजार ७ सय ७७ जनाको निधन भइसकेको छ ।

शनिबार ब्राजिलमा कोरोनाभाइरसका नयाँ संक्रमति पनि निकै धेरै भेटिएका थिए । त्यहाँको स्वास्थ्य मन्त्रालयका अनुसार ३३ हजार २ सय ७४ जनामा शनिबार कोरोना पुष्टि भएको थियो । योसँगै ब्राजिलमा अब करिब ५ लाख कोरोनाभाइरस संक्रमति भेटिएका छन् ।