जनता समाजवादी पार्टीका नेता राजेन्द्र महतोले यसपटकको राज्यको चरित्रअनुसार नै बजेट आएको बताएका छन् । उनले राज्यको चरित्र नै सीमान्तकृत समुदायलाई थप समस्यामा पार्ने भएकाले यो बजेटले पनि त्यही गरेको आरोप लगाएका छन् । 

उनले राज्यविहिन जनतालाई यो बजेटले समेट्न नसकेको बताएका छन् । उनले पछिल्लो समय नेपालमा बहुमत जनता विपक्षमा रहने र अल्पमतजे शासन गरिरहेको जस्तो अहिले देखिइरहेको बताएका छन् । 

उनले नेपालमा आदिवासी जनजाति, मधेशी, दलितमाथि अरुले शासन गरिरहेको बताएका छन् ।

यी समूहको संख्या निकै ठूलो भए पनि उनीहरुमाथि शासन भइरहेको बताएका छन् । उनले सत्ताधारीहरुले आफूलाई विजेता भएको दाबी गरिरहेको र अरुलाई भिखारी सोचिरहेको पनि आरोप लगाएका छन् ।