विश्व स्वास्थ्य संगठनले मास्क लगाउने विषयमा आफ्नो नयाँ गाइडलाइन जारी गरेको छ । यसअघि मास्कबारे विश्व स्वास्थ्य संगठनले दिएको सूचनाभन्दा यो फरक छ ।

कोरोना महामारीले विश्व ग्रस्त हुन थालेपछि संगठनले बिरामी मानिसहरुको सम्पर्कमा आउनेले मात्र मास्क लगाए हुने बताएको थियो । 

तर, अब उसले सार्वजनिक स्थानमा सबैले मास्क लगाउँदा भाइरस संक्रमणबाट रोक्न सकिने बताएको हो ।

सार्वजनिक सवारी तथा सार्वजनिक स्थानहरुमा अब सबैले मास्क लगाउनु ठिक हुने संगठनले जनाएको हो । तर, यसका लागि मेडिकल मास्क नै आवश्यक नरहेको पनि विश्व स्वास्थ्य संगठनले जनाएको छ ।

साठी वर्षभन्दा माथिकाले चाहिँ मेडिकल मास्क नै लगाउनु उत्तम हुने विश्व स्वास्थ्य संगठनले बताएको छ ।