बाजुरामा फेरि क्वारेन्टाइनमा एक वृद्धको मृत्यु भएको छ । बाजुराको खप्तड छेडेदह गाउँपालिकामा बनाइएको मष्टा स्कुलमा रहेको क्वारेन्टाइनमा ६५ वर्षका वृद्धको मृत्यु भएको हो ।

उनी १५ जेठमा भारतबाट आएका थिए । उनको शनिबार विहान निधन भएको हो । 

स्थानीय अधिकारीहरुका अनुसार उनी दमको रोगी थिए । शुक्रबार साँझ मात्र उनलाई दमको औषधी दिइएको बताइएको छ । तर, उनमा अरु कुनै समस्या नभएको अधिकारीहरुले बताएका छन् । 

उनलाई कोरोनाभाइरस संक्रमण भए नभएको चाहिँ खुलेको छैन । अहिलेसम्म उनको परीक्षण गरिएको छैन । अब उनको स्वाब संकलन गरेर परीक्षण गर्ने तयारी गरिएको छ ।