काठमाडौं र भक्तपुरमा शनिबार कोरोनाभाइरस संक्रमित भएकाहरु सुत्केरी र प्रहरी भएको खुलेको छ । शनिबार स्वास्थ्य मन्त्रालयले दिएको जानकारीअनुसार काठमाडौं उपत्यकामा पाँच जनामा कोरोनाभाइरस संक्रमण पुष्टि भएको हो । 

यीमध्ये एक जना टोखामा प्रहरीकी श्रीमती भएको खुलेको हो । त्यस्तै, भेनस अस्पतालमा भर्ना भएकी एक सुत्केरीमा पनि कोरोनाभाइरस संक्रमण भउको पुष्टि भएको हो । प्रहरी अस्पतालमा मिर्गौलाको डायलाइसिस गराइरहेका एक पुरुष र कोटेश्वरमा कार्यरत प्रहरीमा पनि कोरोनाभाइरस संक्रमण पुष्टि भएको हो । 

भक्तपुरमा आज भेटिएकी कोरोनाभाइरस संक्रमित पनि सुत्केरी नै भएको खुलेको छ । उनले केहीअघि काठमाडौं मेडिकल कलेजमा बच्चालाई जन्म दिएकी थिइन् । 

शनिबार मात्र देशभर ३२३ जना नयाँ कोरोना संक्रमित थपिएका छन् ।