काठमाडौं– लकडाउनपछि कारोबार बन्द रहेको सुनचाँदीको नयाँ मूल्य तोकिएको छ । साढे दुई महिनापछि नेपालमा सुनचाँदीको मूल्य तोकिएको हो । 

जसअनुसार आइतबार सुन (फाइन गुणस्तर)को मूल्य प्रतितोला ८७ हजार ४ सय रुपैयाँ पुगेको नेपाल सुनचाँदी व्यवसायी महासंघले जनाएको छ । यो मूल्य हालसम्मकै उच्च हो । 

यसअघि चैत १० गते ७७ हजार रुपैयाँमा कारोबार भएको सुनको मूल्य साढे दुई महिनामा १० हजार ४ सय रुपैयाँले बढेको हो ।

अन्तर्राष्ट्रिय बजारमा सुनको मूल्य बढिरहेको तर नेपालमा नेपालमा लकडाउन भइरहँदा आइतबार एक्कासि ठूलो प्रभाव परेको महासंघले जनाएको छ ।

त्यस्तै, चाँदीको मूल्य प्रतितोला २०५ रुपैयाँले बढेको छ । चैत १० गते प्रतितोला ७२० रुपैयाँमा कारोबार भएको चाँदी बढेर ९२५ रुपैयाँ पुगेको महासंघले जनाएको छ ।