कमल थापाले गरे डा. बाबुराम भट्टराईको प्रशंसा
फरकधार / २६ जेठ, २०७७

काठमाडौं– राष्ट्रिय प्रजातन्त्र पार्टीका अध्यक्ष कमल थापाले डा. बाबुराम भट्टराईको प्रशंसा गरेका छन् । जनता समाजवादी पार्टीमा भट्टराईको वरीयताका विषयमा राजनीतिक वृत्तमा नकारात्मक टिप्पणी आइरहेका वेला थापाले भने भट्टराईको प्रशंसा गरेका हुन् ।

सोमबार बिहान ट्विट गर्दै थापाले भट्टराईको राजनीतिक उचाइ निर्वाचन आयोगमा पेस भएको कागजले नगर्ने बताएका छन् । थापाले ट्विटमा लेखेका छन्, ‘वरीयताको विषयमा बाबुराम भट्टराईलाई केहीले खिसी गरेको पढेँ, ‘बाबुरामजीसँग धेरै विषयमा मेरो मतभेद छ। तर, उहाँको वरीयता र राजनीतिक उचाइ निर्वाचन आयोगमा पेस भएको कागजले गर्दैन ।’

आइतबार निर्वाचन आयोगमा दर्ता गर्न तयारी चल्दै गर्दा सुरुमा बाबुराम भट्टराईलाई संघीय परिषद् अध्यक्षमा सहमति भए पनि अन्तिम समयमा ‘टिपेक्स’ले मेटेर उनको वरीयता चौथो कायम गरी बरिष्ठ नेतामा सीमित गरिएको थियो । 

सो विषयमा राप्रपा अध्यक्ष थापाले लामो राजनीतिक यात्रा–संघर्षले समाजमा बाबुरामको स्थान कायम भइसकेको धारणा राखेका हुन् । एकता गर्दा नाम तल राख्न मानेर बरु भट्टराईको उचाई अझै बढेको थापाको टिप्पणी छ ।

  • प्रकाशित मिति : जेठ २६, २०७७ साेमबार १०:५०:५०,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक , ट्विटरमा, युट्युब पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया