सोमबार चितवनमा २३ जना कोरोनाभाइरस संक्रमित थपिएका छन् । यीमध्ये दुई जना चिकित्सक रहेको बताइएको छ ।

भरतपुरमा रहेको कोरोना परीक्षण प्रयोगशालामा गरिएको परीक्षणमा उनीहरुमा कोरोनाभाइरस संक्रमण देखिएको हो ।

उनीहरु सबैलाई अब आइसोलेसनमा राखिने तयारी गरिएको छ ।

भरतपुर अस्पताल स्रोतका अनुसार संक्रमितमध्ये तीन जना नवलपरासी र १७ जना चितवनका हुन् । आइतबार प्रयोगशालामा परीक्षणका लागि पठाइएका ३ सय स्वाब नमूनामध्ये २० जनाको नतिजा पोजेटिभ आएको हाे । केही स्वाबको परीक्षण बाँकी रहेको बताइएको छ ।