सरकारले लकडाउन खुकुलो गर्दै निजी सवारीसाधनलाई जोड विजोर प्रणालीमा चलाउन दिने निर्णय गरेको छ । जसअनुसार शुक्रबार जोड नंम्बरका गाडीलाई चलाउन दिइएको छ ।

तर, विजोर नम्बरका सवारी पनि सडकमा उत्तिकै देखिन थालेपछि ट्राफिक प्रहरीले कारवाहीको प्रक्रिया अडाडि बढाएको हो । यसैबीच, विजोर नंम्बरका सवारीसाधन चलाउने हालसम्म २६९ जना कारबाहीमा परेको महानगरीय ट्राफिक प्रहरी महाशाखाका प्रवक्ता जीवनकुमार श्रेष्ठले बताए ।

पहिलो दिन भएकाले कतिपय सर्वसाधारण थाहा नपाएर विजोर नंम्बरका गाडी लिएर निस्किएको पाइएको उनको भनाइ छ । उनीहरुको सवारीसाधनलाई ट्राफिक प्रहरीले रोकेको छ ।

बुधबार राति बसेको मन्त्रिपरिषद बैठकले लकडाउन खुकुलो बनाउने निर्णय गरेको थियो । सोहीअनुसार ट्राफिकले जोर गतेका दिन जोर नंम्बर प्लेट भएका र विजोर गतेका दिन विजोर नम्बर प्लेट भएको सवारी साधन सञ्चालन गर्नुपर्ने गरी नियम बनाएको हो ।