दैलेखमा कोरोनाभाइरस संक्रमित र प्रहरीबीच झडप भएको छ । नारायण नगरपालिकाको त्रिभुवन उच्च माध्यमिक विद्यालयको क्वारेन्टिनमा रहेका संक्रमित र प्रहरीबीच झडप भएको हो । 

शनिबार भएको झडपमा प्रहरीको कुटाइबाट ४ जना घाइते भएका छन् । उनीहरुलाई दैलेखकै अस्पतालको आइसोलेसन वार्डमा राखेर उपचार सुरु गरिएको छ ।

क्वारेन्टिनका संक्रमितले आफ्नो दोस्रो पिसिआर रिपोर्ट आउन ढिलो भएको भन्दै घर जान खोज्दा यो झडप भएको थियो ।

त्यहाँ पछिल्ला केही दिन आइसोलेसनमा रहेकाहरुले आन्दोलन गर्दै आएका छन् ।