काठमाडौ– आइतबार साँझ भक्तपुरमा गुडिरहेको मोटरसाइकल नालीमा खस्दा त्यसमा सवार चालकको मृत्यु भएको छ ।

कमलविनायकस्थित नालीमा खस्दा सोही वडाका चालक १७ वर्षीय रञ्जित माहाजुको उपचारका क्रममा मृत्यु भएको हो । 

उनले चलाएको बा९५प १४५५ नम्बरको मोटरसाइकल खरिपाटीबाट कमलविनायकतर्फ जाँदै गरेको अवस्थामा सडकको नालीमा खसेको थियो । 

सुरुमा भक्तपुर अस्पतालमा उपचार गरेपछि उनलाई आइतबारै ट्रमा सेन्टर ‘रिफर’ गरिएको थियो । उपचारका क्रममा राति १० बजे उनको मृत्यु भएको हो ।