इंग्लिस प्रिमियर लिगअन्तर्गत गएराति भएको खेलमा म्यानचेस्टर सिटीले आर्सनलमाथि फराकिलो जित निकालेको छ ।
कोरोनाभाइरस महामारीपछिको पहिलो खेलमा सिटीले १० खेलाडीमा समेटिएको आर्सनलमाथि ३–० को सानदार जित निकालेको हो ।
घरेलु मैदान इतिहाद स्टेडियममा भएको खेलमा सिटीले पहिलो हाफमा १ तथा दोस्रो हाफमा दुई गोल गरेको थियो ।
सोक्रममा रहिम स्टर्लिङले पहिलो हाफको इनजुरी समयमा गरेका थिए भने केभिन डि ब्रुयनेले ५१ औँ तथा फिल फोडेनले ९२ औं मिनेटमा गोल गरेका थिए ।
दोस्रो हाफको शुरुमै आर्सनल १० खेलाडीमा समेटियो । ४९औं मिनेटमा डिफेन्डर आर्सनलका डेभिड लुइजले पेनाल्टी बक्समा रियाद महारेजमाथि फउल गरेपछि रेफ्रीले सिधै रातो दिदै मैदान बाहिर पठाएपछि आर्सनल १० खेलाडीमा समेटिएको थियो ।
त्यसपछि पाएको पेनाल्टी सदुपयोग गर्दै डि ब्रुयनेले गोल गरेका हुन् ।
सिटीले पनि अन्तिम १२ मिनेट १० खेलाडीमा समेटिएर खेल्नुपरेको थियो । खेल अन्त्य गरेको थियो ।
पाँच खेलाडी सब्सिच्युट गरिसकेपछि डिफेन्डर इरिक गार्सिया आफ्नै गोलरक्षक इडर्सनसँग जुध्दै गम्भीर चोट बोक्न पुगेका थिए ।
जितसँगै सिटीले शीर्षस्थानको लिभरपुलसँगको अंक दुरी २२ मा छोट्याएको छ । सिटीको यो जितले लिभरपुलले उपाधिको लागि थप कुर्नुपर्ने भएको छ ।
सिटीको २९ खेलबाट ६० अंक पुगेको छ । लिभरपुलको ८२ अंक छ । समान खेलबाटै आर्सनल ४० अंक जोडेर नवौं स्थानमा यथावत छ ।
त्यस्तै प्रिमियर लिगाकै अर्काे खेलमा एस्टन भिल्ला र सेफिल्ड युनाइटेडले गोलरहित बराबरी खेल्दै अंक बाँडेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।