एजेन्सी– अफगानिस्तानमा एक धार्मिक विद्यालयमा बिहीबार विस्फोट हुँदा कम्तीमा सात व्यक्तिको मृत्यु भएको छ । उत्तरी प्रान्त तखारको इसकामिस जिल्लामा अवस्थित विद्यालयमा अज्ञात समूहले आक्रमण गरेको हो । 

विस्फोटमा परी अन्य आठजना घाइते भएका छन् । घटनाको विस्तृत विवरण प्राप्त नभएको समाचार एजेन्सी सिन्ह्वाले जनाएको छ । 

अफगानिस्तानमा धार्मिक विद्यायललाई लक्षित गरेर यसअघि पनि कैयौँपटक  यस्ता आक्रमण भएका छन् । धार्मिक विद्यालयमा तालिबान समूहले आक्रमण गरेको अनुमान गरिएको छ ।