काठमाडौं– प्रधानमन्त्री केपी शर्मा ओलीले एमसिसीको विरोध गर्नेहरु पढ्नै नपढी हल्लाको पछाडि दौडिएको बताएका छन् ।
बिहीबार राष्ट्रिय सभामा बोल्दै प्रधानमन्त्री ओलीले एमसीसीको विरोध गर्नेको चर्को आलोचना गरेका हुन् ।
सांसदहरुले उठाएका प्रश्नको जवाफ दिँदै उनले प्रश्न गरे, ‘पढ्न अल्छी लाग्छ कि के हो ? एमसिसी पढेका मान्छे मैले त्यति भेटिनँ ।’
उनले विरोध गर्नुअघि एमसिसी सम्झौता खोजेर पढ्न आग्रह गरेका छन् । पढ्ने भन्दा हल्लाका भरमा कुद्ने र जसरी भए पनि विरोध गर्न पाए भयो भन्ने चिन्तन कस्तो हो भनेर उनले प्रश्न गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
