नेपालमा थप एक चिकित्सकमा कोरोनाभाइरस संक्रमण देखिएको छ । दाङको घोराहीमा रहेको राप्ती स्वास्थ्य विज्ञान प्रतिष्ठानका एक चिकित्सक र अन्य तीन स्वास्थ्यकर्मीमा कोरोनाभाइरस संक्रमण देखिएको हो ।

अस्पतालका कर्मचारीमा नै कोरोना संक्रमण देखिएपछि अहिले तत्कालका लागि अस्पतालले आकस्मिक बाहेकका अन्य सबै सेवा बन्द गरेको जनाएको छ ।

यो अस्पतालमा केही दिनअघि एक बिरामीमा कोरोनाभाइरस संक्रमण देखिएको थियो । त्यसपछि उनको हेरचाहमा संलग्न भएका चार चिकित्सक, ११ नर्स र ६ अन्य स्वास्थ्यकर्मी क्वारेन्टिनमा रहेका छन् । यीमध्ये एक चिकित्सक, दुई नर्स र अन्य एक स्वास्थ्यकर्मीमा कोरोनाभाइरस संक्रमण पुष्टि भएको हो ।