कोरोनाभाइरस महामारीका कारण रोकिएका फुटबल लिगहरु बिस्तारै पुन : सञ्चालनमा आइरहेका छन् ।
जर्मनी, स्पेन र इङ्गल्याण्डमा लिग पुन ः सञ्चालनमा आइसकेका छन् भने त्यही सुचीमा इटाली पनि थपिएको छ ।
इटालीमा गएरातिबाट सिरी एका खेल सुरु भएका छन् । लिगअन्तर्गत शनिबार राति दुई खेल भए ।
हेलास भेरोनाको जित, पार्मा र टोरिनोले अंक बाँडे
हेलास भेरोनाले जित निकाल्दा पार्माले टोरिनोसँग बराबरी खेल्दै अंक बाँडेको छ ।
१० खेलाडीमा समेटिएको हेलास भेरोनाले काग्लिएरीमाथि २–१ को जित निकालेको हो ।
घरेलु मैदानमा शनिबार राति भएको खेलमा भेरोनाको जितमा दुवै गोल स्यामुल डि कार्मिनल गरे । काल्गिएरीका जियोभानी सिमिओनले एक गोल फर्काए ।
खेलको १४औं मिनेटमा डार्काे लाजोभिकको पासमा स्यामुल डि कार्मिनले गोल गर्दै भेरोनालाई शुरुवाती अग्रता दिलाए । २६औं मिनेटमा कार्मिनले नै गोल गर्दै भेरोनाको अग्रता दोब्बर पारे । कार्मिनले यसपटक भालेरियो भेरेको पासमा गोल गरेका थिए ।
३५औं मिनेटमा भेरोना १० खेलाडीमा समेटियो । फावियो बोरिनी सिधै रातो कार्ड खादै मैदानबाट बाहिएपछि भेरोनाले ५५ मिनेट १० खेलाडीमा खेल्नुपरेको थियो । ४३औं मिनेटमा जियोभानी सिमिओनले गोल गर्दै खेललाई २–१ को स्थितिमा ल्याए ।
तर, दोस्रो हाफमा थप गोल निस्कन नसक्दा भेरोना विजयी हुन सफल भयो ।
जितसँगै भेरोना २६ खेलबाट ३८ अंक जोडेर सातौ स्थानमा उक्लदा काग्लिएरी ३२ अंक जोडेर १२औं स्थानमा यथावत छ ।
अर्काे खेलमा टोरिनो र पार्माले १–१ गोलको बराबरी खेल्दै अंक बाँडे ।
टोरिनोका निकोलस एनकोउलोउले गोल गर्दा पार्माका जुराज कुस्काले बराबरी गोल पर्काए । एन्डे«य बेलोटीले पेनाल्टी चुकाउदा टोरिनो जितबाट वञ्चित बन्यो ।
बराबरीसँगै पार्मा ३६ अंक जोडेर आठौं स्थानमा रहँदा टोरिनो २८ अंक जोडेर १५औं स्थानमा छ ।
हाल समान २५ खेल खेलेका टोरिनो २७ अंकको साथमा १५ तथा पार्मा ३५ अंकको साथमा ९ औं स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।