हङकङमा कोरोनाभाइरसका कारण थप एक जनाको निधन भएको छ । योसँगै हङकङमा कोरोनाका कारण मृत्यु हुनेको संख्या ७ पुगेको छ । 

फिलिपिन्सबाट फर्किएका ५५ वर्षका एक पुरुषमा कोरोनाभाइरस संक्रमण देखिएको र उनको निधन भएको साउथ चाइना मर्निङ पोस्टले जनाएको छ । 

चीनबाट कोरोनाभाइरस संक्रमण सुरु भए पनि हङकङले कोरोनालाई नियन्त्रणमा लिन सकेको भन्दै विश्वभर हङकङको प्रशंसा हुँदै आएको छ ।

हङकङमा अहिलेसम्म ११७९ जनामा मात्र कोरोनाभाइरस संक्रमण देखिएको छ ।