पोखरामा कोरोना संक्रमणबाट मृत्यु भएका पुरुषको शव व्यवस्थापनमा प्रहरी र स्थानीयबीच झडप भएको छ । झडपका क्रममा बिहीबार दिउँसो प्रहरीले हवाइ फायरसमेत गरेको छ । 

प्रहरीले शव व्यवस्थापनमा अवरोध पुर्याएको आरोपमा पाँच जनालाई पक्राउ पनि गरेको छ । 

स्याङ्जाको आँधीखोला गाउँपालिकाका ५५ वर्षका पुरुषको शव व्यवस्थापन गर्ने क्रममा पोखरा ३२ मा स्थानीयले अवरोध गरेका थिए । अवरोध हटाउनका लागि प्रहरी अगाडि बढेपछि त्यहाँ केहीबेर झडप समेत भएको थियो । 

प्रहरीले स्थानीयलाई नियन्त्रणमा लिनका लागि हवाई फायरसमेत गरेको थियो । विरोधमा उत्रिएका ५ स्थानीयलाई प्रहरीले अहिले नियन्त्रणमा लिएको छ ।